2013 yil 22-23  mart kunlari kollejda  “Navro’z va qadriyatlar”  shiori ostida an’anaviy bayram tadbirlari o’tkazildi.

22 martning erta tong saharida doshqozonlar o’rnatilib, sumalak taomini solinishiga tayyorgarlik ko’rildi. Munis onaxonlarimiz tomonidan lazzatli shirinlik 23-mart kuni davom etgan bayram tadbirida mehmon va mezbonlarga tortiq qilindi. Bayramga kollejning barcha o’qituvchilari va o’quvchilari jalb qilindi. Avvaldan guruhlarga bo’lib berilgan viloyatlar asosida sahna ko’rinishlar, shu viloyatga xos milliy dasturxon va milliy liboslar tanlovi ham o’tkazildi.

O’quvchilar tomonidan tayyorlangan bayram dasturi - bahor jarchilari-yu, askiyachilar, raqqosalar-u, qo’shiqchilar davraga yanada fayz qo’shdilar. Ayniqsa,  kollejga taklif etilgan mehmonlar - “Nihol” mukofotining sovrindori Malika Egamberdiyeva va  Xurshid Turdiyevlar o’z qo’shiqlari bilan dillarni yanada xushnud qilib,  bayramona kayfiyat ulashdi.

Ushbu ma'lumotlar Toshkentsoliq.uz satidan olindi.